Анти-Трамп марш во Лондон

Неколку десетици илјади лондончани денеска излегоа на протестен марш против посетата на американскиот претседател на Лондон. Нивниот протест, велат организаторите, е резултат на револтот од политиката на Доналд Трамп за имиграцијата, расните односи, правата на жените и климатските промени, објавија британските медиуми.


Демонстрантите над поворката го пуштија и познатиот балон Бебето Трамп и најавија дека ќе го вивнат над Вестминстерската палата, каде е и централниот протест против политиката на американскиот претседател.


Организаторите на протестот велат дека за денес се најавени протести во околу 50 градови низ Обединетото Кралство.