Гласање за составот ДИК вечер експресно во Собранието

Кабинетот на претседателот Талат Џафери потврдил дека вечерва во 18 часот ќе се оддржи седница на Собранието на која пратениците ќе треба да го изберат новиот состав на Државната изборна комисија, објави МИА.


Претходно Комисијата за изборите и именувањата на експресна седница ги утврди седуммината членови на новиот состав на ДИК, што треба да го спроведе референдумот за Договорот со Грција, на крајот на септември.


Оливер Дерковски од ВМРО-ДПМНЕ е утврден за претседател на ДИК, а Дитмире Шеху од ДУИ потпретседател. Елизабета Постоловска од ВМРО-ДПМНЕ, Јанакие Витановски, Борис Кондарко и Радица Ристеска од СДСМ, како и Енвер Салиу од Беса ќе бидат членови на ДИК.