Матис утре во посета на Македонија

Американскиот секретар за одбрана Џејмс Матис утре пристигнува во официјална посета на Македонија. Матис се очекува да се сретне со премиерот Зоран Заев и со министерката за одбрана Радмила Шекеринска, а потоа е предвидена и заедничка изјава за медиумите.


За делегацијата на САД предводена од Матис ќе биде организиран свечен пречек на Меѓународниот аеродром „Скопје“ и на платото пред Владата. Матис претходно најави дека ќе ја посети Македонија за да изрази јасна поддршка за претстојниот референдум за името, но и загриженост поради можното мешање на Русија во процесот.