Хан: Со значајното „да“ има широка поддршка за Преспанскиот Договор

Еврокомесарот за проширување Јоханес Хан оцени дека гласовите „за“ на референдумот се значајни и со тоа се дава поддршка на Договорот од Преспа.


„Им честитам на оние кои гласаа денеска на консултативниот референдум и ги искористија своите демократски слободи. Со значајното „да“ има широка поддршка за Преспанскиот Договор и евроатлантската иднина на земјата“, напиша Хан на Твитер.


Тој очекува сите политички лидери да ја почитуваат оваа одлука и да ја спроведат со голема одговорност и единство, во интерес на земјата.