Спасени 354 мигранти близу Шпанија

Во водите близу Шпанија тројца мигранти се удавија, а 354 се спасени со девет чамци, соопшти жпанската спасувачка служба.


Според информациите на светските новински агенции, шпанската крајбрежна стража извлекла од морето три безживотни тела, додека останатите мигранти ги спасила во Алборанското Море на запад во Медитеранот откако чамците со мигранти ги забележал спасувачки авион. Засега не е позната националноста на мигрантите.


Од почетокот на годината во Шпанија е значително зголемен бројот на мигранти, и до крајот на септември се регистрирани повеќе од 35.000 кои влегле по морски пат. Тоа е трипати повеќе од истиот период минатата година.