Русија извезува оружје вредно 15 милијарди долари, потврди Путин

Рускиот претседател Владимир Путин изјави дека рускиот извоз на оружје во светот изнесува 15 милијарди долари, и покрај, како што рече, нефер конкуренцијата.


„Во изминатите години, количината на извоз на воени добра е на стабилно високо ниво, достигнувајќи (вредност од) речиси 15 милијарди долари“, изјави Путин на состанокот на Комисијата за военотехничка соработка на Русија со странство.


Тој рече дека е задоволен од извозот на руско оружје и дека Русија внимателно ќе ги следи трендовите на глобалниот пазар на оружје, а на своите партнери ќе им нуди нови флексибилни и погодини форми на соработка.