Уставните измени во Македонија за Грција се полоши и од Преспанскиот договор, смета Мицотакис

Претседателот грчката опозициска партија Нова демократија, Кирјакос Мицотакис, денеска пак остро ја критикуваше грчката Влада поради Договорот од Преспа, додавајќи дека „уставните измени што се предлагаат во Македонија за Грција се полоши и од самиот договор“.


Тој повтори дека неговата партија нема да гласа за ратификација на решението меѓу двете земји.


„Договорот од Преспа континуирано го зголемува бројот на веќе завршените негативни факти, како што се чини од процесот на уставни измени во соседната земја. Оние работи што се носат за промени во новиот Устав на Скопје се уште полоши од самиот Договор од Преспа. Односно да го кажам ова поедноставно: со нејзините одлуки, владата му дозволи на Скопје веќе да се подбива со Грција“, рече Мицотакис.