Ослободени киднапираните ученици во Камерун

Ослободени се 79 ученици кои беа киднапирани од неидентификувани вооружени луѓе во Камерун, но двајца од тројцата вработени во училиштето и понатаму се во рацете на киднаперите, информира денеска црковен претставник.


Фонки Самјуел Форба од Презвитеријанската црква на Камерун рече дека учениците, кои биле киднапирани во неделата од црковно училиште, биле оставени во близина на Баменда, главниот град на Северозападната област. Тој рече дека децата изгледале уморно и ги повика родителите да ги одведат сите деца дома и дека Презвитеријанскиот интернат со 700 ученици ќе биде затворен од безбедносни причини.


Децата беа киднапирани во близина на Баменда, главен град на еден од двата камерунски региони чии жители зборуваат англиски јазик. Тие две области се погодени од насилства меѓу англофоните сепаратисти и безбедносните сили на Камерун.