Човек почнал да пука во бар во Калифорнија, 13 убиени

Тринаесет луѓе, меѓу кои и напаѓачот, загинале кога вооружен маж почнал да пука во преполн бар во јужна Калифорнија. Многумина биле ранети во нападот што се случил во Таусенд Оукс на околу 60 километри западно од Лос Анџелес. Полицијата соопшти дека во моментот на нападот во барот имало стотици луѓе.


Шерифот Џеф Дин рече дека еден од неговите заменици, кој прв интервенирал по пријавата на пукање, исто така загинал.


Не се соопштува како загинал напаѓачот.


Неколку луѓе, кои биле во барот за време на нападот, за медиумите изјавија дека човек облечен во црно, со качулка и со делумно покриено лице, почнал да пука во луѓето по случаен избор.