Полицијата ги претресува возилата кои излегуваат од паркингот на седиштето на ВМРО-ДПМНЕ во центарот на градот. Ова е уште еден обид на полицијата да го најде поранешниот премиер Никола Груевски откако претходно вечерва полицајците двапати влегоа во зградата во која живее, но не успеаја да го пронајдат во неговиот стан. Во меѓувреме во медиумите се појавија шпекулации дека Груевски се наоѓа во седиштето на партијата. Полицијата постапувајќи по потерницата продолжува да трага по Груевски за да го спроведе на издржување на двегодишната затворска казна за случајот „Тенк“. Во моментот кога полицијата ќе го најде, тој присилно ќе биде спроведен во затворот Шутка.
