Албански медиуми: Груевски илегално влегол во Албанија

Поранешниот премиер Никола Груевски ја напуштил Албанија на 11 ноември во 19 часот, потврдиле албанските влсати откако извршиле верификација на системот на граничните премини, јавуваат албанските медиуми, пренесува МИА.  


Според извештаите, Груевски од Албанија излегол преку граничниот премин Хан Хоти-Муриќан на границата со Црна Гора, а бил во дипломатско возило на унгарската амбасада и поседувал пасош на негово име. 


Телевизијата „Топ ченл“ повикувајќи се на сигурни извори известува дека од прегледот на TIMS системот на премините, произлегло дека Груевски на албанска територија не влегол преку официјален премин, туку илегално преку зелениот појас.


Претходно унгарската амбасада во Тирана ниту ја потврди, ниту ја демантираше информацијата дека Груевски, една ноќ минал во оваа амбасада.