Времето денеска ќе биде облачно и постудено, а на повеќе места во државата попладнево се очекуваат врнежи од снег, освен на југоистокот каде врнежите ќе бидат од дожд. Пообилни врнежи ќе има во западните и југозападните делови од Македонија каде се очекува да наврнат и над 30 литри на метар квадратен и на повеќе места ќе се формира снежна покривка. Врнежите ќе преминат в снег и во скопската котлина.
Дневните температури ќе се движат од 1 до 10 степени.
Нов влажен бран со пообилни врнежи претежно од дожд ќе има во вторник.
