Воз излета од шините во Шпанија, еден загинат и десетици повредени

Еден човек загина, а 49 се повредени денеска, кога приградски воз кој патуваше кон Барселона излета од шините поради свлечиште, објавија шпанските власти. Петмина се потешки повреди. Регионалната агенција за цивилна заштита соопшти дека два од шесте вагони утринава излетале од шините кај Вакарисес, на околу 45 километри северозападно од Барселона.


Возот, во кој имало 133 патници, ги поврзува градот Манреса со Барселона.


Портпаролот на Шпанските железници, Антонио Кармона, за локалните медиуми изјави дека е можно свлечиштето да е предизвикано од силните дождови кои паднаа во регионот во изминатите неколку дена.