Во претседателството на Србија во Белград се одржува состанок на претседателот Александар Вучиќ со министрите во Владата. Ова е последна средба во низата што српскиот претседател ги одржа денеска откако косовската полиција уапси четири лица од српска националност во рамки на истрагата за убиството на српскиот политичар Оливер Ивановиќ што се случи во јануари годинава. На приведените им е одредена мерка притвор во траење од 48 часа, а полицијата трага по уште едно лице кое не било пронајдено на адресата која е пријавена за негово живеалиште.
