Истрели во близина на австриската амбасада во Анкара

Во близина на австриската амбасада во Анкара синоќа е отворен оган од автомобил во движење.


Според локалните медиуми, истрелите доаѓале од бел автомобил, по што безбедносните сили ги блокирале улиците во близина на дипломатското претставништво на Австрија.


Полицијата мометно е во потрага по возилото. Засега нема информација дека некој е повреден или е причинета материјална штета во инцидентот. Не е познато ниту дали лицата, кои отвориле оган, сакале да пукаат кон амбасадата.


Во август сличен случај во Анкара имаше и кога беше пукано од автомобил врз зградата на американската амбасада