Возачи на Брза помош во Романија осомничени за крадење гориво што довело до смрт на пациенти

Романското обвинителство отвори истрага против 16 возачи на Брза помош, кои се осомничени дека краделе гориво од возилата, што можеби довело до смртта на осум пациенти.


Обвинителството соопшти дека возачите од градот Корабија се под истрага за кражби извршени од 2013 до 2015 година. Возачите наводно возеле побавно за да трошат помалку гориво, што можеби довело до смртта на осуммина пациенти.


Возачите се суспендирани од работа додека трае истрагата, па сега има проблем и со работата на Брзата помош. Министерката за здравство Сорина Пинтеа изјави дека е прерано да се тврди дека кражбите довеле до смрт на пациентите.