ЕУ пред изборите ја засилува борбата против руските лажни вести

Европската комисија во пресрет на европските избори побара интернет компаниите Гугл, Фејсбук и Твитер да поднесуваат месечни извештаи за напредокот во искоренувањето на „лажните вести“ со потекло од Русија.


Официјалните претставници од ЕУ денеска ги претставија мерките во рамки на акцискиот план за борба против дезинформирањето пред изборите за Европскиот парламент во мај следната година.


Претставниците на Европската комисија рекоа дека ќе воведат „брз систем за алармирање“, дека ќе го зголемат буџетот, персоналот и алатките за обработка на податоците со цел да помогнат во борбата против лажните вести.


Гугл, Фејсбук, Твитер и Мозила во септември доброволно потпишаа правилник за однесување во борбата против дезинфомирањето.