Претседателот на Црна Гора, Мило Ѓукановиќ на националната телевизија изјави рече дека Србија последните години ги заострува односите со соседите, односно со Загреб, Приштина, па и со Подгорица. Според него, Србија никако да сфати дека Црна Гора не носи просрпски и антисрпски одлуки, туку одлуки кои се во интерес на земјата. Тој порача и дека се уште не треба да се зборува за целосно свртување на српската државна политика кон Русија.
„Јасно е дека руските интереси не се за тоа Балканот динамично да напредува кон европските, а особено кон евроатланските интеграции. Засега Русите се само против интеграциите во НАТО, иако за мене е сосема јасно дека тие се и против интеграцијата на регионот во ЕУ“, истакна Ѓукановиќ.
