Спасувачките екипи трагаат по преживени по цунамито кое беше предизвикано од вулканска ерупција на 22 декември во Индонезија. Бројот на загинатите во несреќата се покачи на над 280 луѓе. Се очекува овој број да расте. Ранети се над илјада луѓе. Најмалку 50 луѓе се водат како исчезнати, а стотици домови, хотели и други објекти се разурнати од големиот бран кој беше предизвикан од ерупцијата на вулканот Кракатао во теснецот Сунда меѓу јава и Суматра. Спасувачките операции се очекува да траат една недела.
