Индонезиските власти апелираат граѓаните да го избегнуваат крајбрежјето во Сундскиот Теснец

Индонезиските власти апелираа до населението да го избегнува крајбрежјето долж Сундскиот Теснец, каде што во цунами минатиот викенд загинаа над 420 луѓе. Цунамито беше предизвикано од ерупцијата на вулкан, а засилено од плимските бранови настанати поради полната месечина.


Индонезиската агенција за метеорологија, геофизика и климатологија издаде предупредување граѓаните да бидат најмалку 500 метри до еден километар оддалечени од брегот во теснецот меѓу островите Јава и Суматра.