Русија ги орфрли барањата на Меркел и Макрон за ослободување на украинските морнари

Руското Министерство за надворешни работи ги отфрли, како што наведува, неприфатливите барања на Германија и Франција за ослободување на украинските војници што ги држи Русија.


Денешно соопштение на Министерството следи по жалбата на германската канцеларка Ангела Меркел и францускиот претседател Емануел Макрон во изјавата на 28 декември.


Русија држи 24 украински морнари, откако ги зароби заедно со нивните поморски бродови минатиот месец во близина на теснецот Керч, кој ги поврзува Азовското и Црното Море.