Царовска - Од утре ќе се обесштетуваат пензионерите

Утре почнува трансферот за обесштетување на дел од 12.000 пензионери на кои со години не им биле префрлувани средства во вториот пензиски столб, рече министерката за труд и социјална политика Мила Царовска во вечерашното гостување на „24 анализа“.


Според неа, секој пензионер ќе биде обесштетен согласно неговите индивидуални уплати од работодавачот.  Министерката вели дека сите пензионери ќе бидат информирани, од МАПАС ќе добиваат посебни писма.


Министерката напомена дека непрефрлувањето на средствата е откриено по направена целосна анализа и увид во податоците на Пензинскиот фонд. Правеле увид во електронскиот систем, во податоците на Пензискиот фонд, објасни Царовска.


Нејзина оценка е дека податоците секако постоеле во Пензискиот фонд, но немало анализа поради што не можеле да се изнесат факти и детали за она што се случувало.