Пендаровски ветува орден „Киро Глигоров“,Сиљановска очекува граѓаните да гласаат по свое

Кандидатот за претседател Стево Пендаровски денеска го посети Мултимедијалниот центар „Киро Глигоров“ во Штип каде што најави дека како иден претседател ќе иницира воведување орден „Киро Глигоров“,

Орденот ќе се доделува на заслужни граѓани, кои, дале голем придонес за мирот и безбедноста на државата, рече Пендаровски.

“Политиките на Глигоров се пример, показател колку е важно за една држава да го задржи вистинскиот правец на движење за нејзината иднина”, вели Пендаровски.

Тој рече дека за него најголема гордост е што имал чест да го познава првиот претседател на независна и самостојна Македонија, Киро Глигоров.

Сиљановска Давкова: Очекува граѓаните да гласаат по свое

Кандидатката за претседател Гордана Сиљановска при денешната посета на Кичево изјави дека гласот за неа значи глас за владеење на правото. Таа вети дека во државата без оглед на етничката, расна и верска припадност, социјално и друго потекло сите повторно ќе имаат еднакви шанси.

“Јас очекувам кичевчани да се одважат и да гласаат по свое, а не така како што ќе им кажат партиите, туку со длабока верба дека Македонија и Кичево можат да бидат пристојно место во кое владее правото само ако граѓаните лично си го третираат избирачкото право.” изјави Сиљановска.