Специјалниот инспектор за реконструкција на Авганистан (СИГАР) во извештајот до Конгресот соопштува дека недостатокот на координиран надзор врз трошоците на САД во Авганистан довело до губење на средствата и ја попречило обуката и развојот на авганистанските безбедносни сили. Според извештајот, САД потрошиле речиси 84 милијарди долари на авганистанските сили кои продолжуваат да се соочуваат со тешки загуби, дезертерство и проблеми со организацијата и логистиката.
Од самиот почеток, како што се наведува во извештајот, мисијата за помош на безбедносниот сектор во Авганистан немала траен и сеопфатен план. САД имаат 14 илјади војници во Авганистан од кои најголем дел вршат обуки и ги советуваат авганистанските сили.
