Вучиќ најави продолжување на преговорите со Косово во септември

Српскиот претседател Александар Вучиќ изјави денес дека во септември треба да има некаков вид продолжување на преговорите со Косово во Берлин или Париз.


„Потребно е некое време за повторно да се говори за некои работи. Мразам да ја префрлам вината на другата страна и да говорам за таксите и не знам што, ајде да почекаме големите сили да си ја завршат својата работа, па ние, исто така, ќе излеземе со она што е наше“, кажа Вучиќ откако заедно со францускиот претседател Емануел Макрон разговараше со студенти.


Вучиќ изјави дека Макрон ја разбира тежината на проблемот и додаде дека работите не можат да се решат, доколку никој од било што нема да отстапи. Според него, компромисот не е слабост туку сила и додаде дека секогаш ќе се залага за компромис кој не е предавство и отстапување, туку вистински компромис.