Кривичниот суд не му го врати пасошот на Мијалков да се оперира во странство

Кривичниот суд соопшти дека нема да му го врати пасошот на Сашо Мијалков, обвинет во „Титаник 2“, за да се лекува во Чешка.


„Во однос на укинувањето на мерката за претпазливост – привремено одземање на патната или друга исправа за преминување на државната граница и забрана за издавање нова, кривичниот совет при Основниот кривичен суд – Скопје по добивање на целокупната документација се обрати до надлежното обвинителство од каде е добиено негативно мислење во однос на барањето. Советот на одржана седница по разгледување и ценење на барањето и мислењето на надлежното обвинителство донесе решение со кое барањето го одби како неосновано“, соопштија од кривичниот суд.


Против ова решение, ексдиректорот на УБК има право на жалба до Апелациониот суд во рок од три дена. Претходно и СЈО даде негативно мислење за лекување на Мијалков во странство.