Дендиас: Новата методологија на ЕУ не треба да предизвика дополнително доцнење

Министерот за надворешни работи на Грција, Никос Дендиас по средбата со неговата шпанска колешка Аранча Гонзалез Лаја, изјави дека земјите кандидати за членки треба да ги исполнат поставените услови, а предлогот на Европската комисија за реформа на пристапниот процес не треба предизвика дополнително доцнење. Како што јави дописничката на МИА  од Атина, Западен Балкан и европската перспектива на регионот биле една од темите за кои разговарале двајцата дипломати.

„Имавме можност да разговараме за Западен Балкан и за нивниот интегративна перспектива. За Грција, оваа перспектива е пат во една насока. Неопходна е за стабилноста и просперитетот во регионот. Сметаме дека неодамнешниот предлог на Европската комисија за реформа на пристапниот процес не треба предизвика дополнително доцнење. Но, од друга страна, јасно ставив до знаење дека перспективите и на двете земји се поврзани со нивното усогласување со условите што се неопходни за нивниот европски пат“, рече Дендиас по средбата со Лаја.