Турски војници загинаа во Сирија

Турција соопшти дека пет нејзини војници загинале, а други пет се повредени во напад на сириските владини сили во северната провинција Идлиб. Министерството за одбрана соопшти дека турската артилерија веднаш возвратила на нападот уништувајќи ги целите.

Набљудувачите, пак, јавуваат дека шест турски војници загинале, а седум се повредени кога сириските владини сили испукале ракети кон Тафтаназ воздушната база. Сириската опсерваторија за човекови права наведува дека загинале и четворица сириски бунтовници.

До судирите доаѓа во време кога руска делегација пристигна во турскиот главен град Анкара на разговори за зголемените тензии во Идлиб, последното упориште на бунтовниците во Сирија. Поради офанзивата на силите на сирискиот претседател Башар ал Асад во Идлиб и соседниот Алепо од декември се раселени околу 700 000 луѓе, соопштија Обединетите нации.

Турција очекува Русија веднаш да сопре со акцијата во Сирија

Турција и Русија, кои поддржуваат спротивни страни во Сирија, се согласија да работат на намалување на борбите во Идлиб и да создадат демилитаризирана зона.