Паника од коронавирус- ограбен камион со тоалетна хартија во Хонг Конг

Тројца мажи вооружени со ножеви денеска ограбиле камион кој носел тоалетна хартија за супермаркет во Хонг Конг додека трае паничното купување поттикнато од коронавирусот што придонесе за недостиг на потребните работи во градот. Хонг Конг е делумно затворен како дел од мерките на кинеската влада со кои се обидува да го спречи ширењето на коронавирусот.

Кина го прошири карантинот, во Хонг Конг вонредна состојба поради коронавирус

Полицијата соопшти дека тројцата мажи вооружени со ножеви го ограбиле камионот од кој земале 600 ролни тоалетна хартија во вредност од 260 американски долари. Двајца од напаѓачите, соопшти полицијата, биле приведени и им била одземена тоалетната хартија. Паничното купување ги остави продавници во Хонг Конг полупразни, а во нив речиси и да нема заштитни маски и други производи како тоалетна хартија, ориз, храна во конзерви, сушена храна, средства за дезинфекција на раце.

Училиштата се затворени до средината на март, а многу вработени работат од дома што се одразува и врз потребите на потрошувачите. Во Хонг Конг има 57 потврдени случаи на коронавирус, а еден човек почина од тоа заболување.

Во Кина над 70.000 заразени од коронавирусот