Случајот „ТНТ“ за уривањето на Космос почна од почеток

Со прикажување снимка од надзорна расправа во Собранието на Северна Македонија и презентирање докази од обвинителството, а селектирани од одбраната, денеска во Кривичниот суд започна судењето за предметот ТНТ кој се однесува на уривањето на „Космос“ на бизнисменот Фијат Цановски.

Судењето стартува од почеток поради промена на една поротничка во судечкиот совет.

Развлекување на судските процеси за недостижна правда

Поранешниот градоначалник на општина Гази Баба Тони Трајковски кој на претходните две рочишта беше болен и се одлагаа судењата, рече дека се уште има боледување, но ќе направи напор да остане на судењето доколку не трае долго.

За уривањето на станбено-деловниот комплекс „Космос“, покрај Трајковски,обвинетите се и поранешниот премиер Никола Груевски, поранешниот министер за транспорт и врски Миле Јанакиески. Според обвинението, тие во 2011 година сториле кривично дело од политичка омраза со уривање на комплексот „Космос“ на Фијат Цаноски.