Милановиќ положи заклетва за претседател на Хрватска

Зоран Милановиќ и официјално е нов претседател на Хрватска, откако точно напладне со давање свечена заклетва се обврза дека функцијата ќе ја врши совесно и одговорно. Милановиќ заклетвата ја прочита на мала церемонија на Пантовчак, во присуство на своето семејство, а присутни, како што јавува МИА беа исега веќе поранешната претседателка Колинда Грабар-Китаровиќ, премиерот Андреј Пленковиќ и претседателот на Собранието.

Во говорот Милановиќ кажа дека за време на својот мандат ќе работи на обединување на цела Хрватска и дека ќе гради добри односи пред се со соседните држави. Тој се осврна и на потребата за унапредувањето на демократијата

„Независноста на медиумите, судството и научната јавност е од клучно значење во борбата против тиранијата. Патриотизам е афирмација на вредности кои не прават подобро општество. Наша цел е ниеден граѓанин да не се чувствува исклучен од општеството“,кажа Милановиќ.

Милановиќ и петтиот претседател на независна Хрватска. Тој како кандидат на партиите на левиот центар ја победи Грабар-Китаровиќ во вториот круг од изборите што се одржаа на 5 јануари.

Зоран Милановиќ е нов претседател на Хрватска