Хоти: Јас ќе ги предводам преговорите со Србија

Новиот премиер на Косово, Авдулах Хоти, изјави дека тој ќе го води дијалгот за нормализирање на односите со Србија, затоа што тоа е негово право и обврска согласно Уставот на Косово. Во интервју за косовската јавна телевизија РТК, Хоти се повика на одлука на Уставниот суд на Косово од 2019 година, според која премиерот, а не претседателот на државата, во случајот Хашим Тачи, е тој што ја претставува земјата во преговори на меѓународен план, јави МИА од Приштина.

Дипломатски извори велат дека Србија се согласила да прекине со кампањата против Косово, Дачиќ негира

Новиот премиер на Косово, избран завчера, на 3 јуни, информира дека истиот ден, недолго по изгласувањето на неговиот предлог за составот на новата косовска Влада, разговарал со посредникот на Европската унија за дијалогот меѓу Косово и Србија, словачкиот дипломат Мирослав Лајчак. Тој рече дека контактирал и со шефот на дипломатијата на ЕУ, Хосеп Борел, како и со другите институции, на кои им кажал дека тој ќе биде главниот преговарач со Србија.