Хоти претстави платформа за дијалог меѓу Косово и Србија

Дијалогот со Србија ќе биде ќе биде заснован на Уставот на Косово и ќе го води премиерот, изјави денеска косовскиот премиер Авдулах Хоти претставувајќи ја платформата на неговата влада за дијалогот меѓу Косово и Србија во Академијата на науките и уметностите на Косово.

Хоти рече дека Косово има три принципи во тој процес, кој по завршувањето треба да заврши конфликтот меѓу Косово и Србија.

„Првиот е дека за територијалниот интегритет на Република Косово не може да се преговара. Јас не сакам, ниту како граѓанин, ниту како премиер, ниту имам мандат да преговарам за територијалниот интегритет на Косово. Второ, во договор кој треба да се постигне за нормализација на односите и реципрочно признавање, договорот мора да осигура дека конфликтот меѓу Косово и Србија исчезнува еднаш засекогаш, понатаму, второ е дека Косово не преговара за уставната организација на државата, што значи нема меѓувласт. Трето е дека договорите што ќе бидат постигнати мора да бидат во духот на Уставот на Косово“, наведе Хоти.

Тој додаде дека целта на дијалогот е реципрочно признавање и дека договорот нема смисла без таква цел.

„Не привремено признавање по моделот на двете Германии или по други модели, туку реципрочно признавање кое ќе ни обезбеди место во Обединетите нации и признавање од пет членки на ЕУ кои се уште не немаат признаено“, рече Хоти.

Тој исто така додаде дека по пат на договор треба да се решат сите отворени прашања, како што се исчезнатите лица, воена отштета, пензии и т.н.

Освен тоа, Хоти наведе дека од суштинска важност е да биде укината резолуцијата 1244 на Советот за безбедност.

Следната недела се очекува продолжување на дијалогот меѓу Србија и Косово, а во прва официјална посета на Косово и Србија доаѓа специјалниот ретставник на ЕУ за дијалог Мирослав Лајчак.