На изборите во Русија може да се гласа и три дена

Долниот дома на руската Дума (Парламент) го одобри конечниот нацрт закон со кој се овозможува гласањето за време на изборите да трае три дена. Законот го поддржаа 344 пратеници, а 51 беа против.


Одлуката дали гласањето ќе трае повеќе дена треба да ја донесат надлежните за изборни дејствија.


Организациите за човекови права во Русија остро го критикуваа предлог-законот за повеќедневно гласање, велејќи дека на тој начин носителите на моќ ќе имаат повеќе контрола над изборите и повеќе можности да си ги остварат своите цели.


Повеќедневното гласање во Русија беше користено и на референдумот за уставните амандмани, кога се гласаше од 25 јунидо 1 јули.



Денеска завршува референдумот за уставните измени во Русија


Предлог-законот мора да биде одобрен од Горниот дом на Парламентот, Советот на Федерацијата, а потоа да го потпише и претседателот на државата Владимир Путин за да може и официјално да биде закон.


Доколку се прифати законот, претстојните парламентарни избори во септември може да се одржат според новиот формат.