Една жртва во експлозија во станбена зграда во Ерменија

Во Експлозијата во станбена зграда во Ереван загина најмалку едно лице, а хоспитализирани се две други. Ерменските власти соопштија дека најверојатно причината за експлозијата е истекувањето на природен гас. Во несреќата предизвикана е и голема штета на 12 станови во четирикатна зграда. 

Министерот за вонредни ситуации Феликс Цолакијан изјави дека телото на 58-годишен маж, е извадено од урнатините. Десетици спасувачи успеале да извлечат и двајца преживеани од урнатините. Еден од преживеаните е во критична состојба.

Спасувачките екипи, по експлозијата, успеале безбедно да евакуираат и 19 други лица од зградата. Ерменскиот премиер Никол Пашинијан го посети местото на експлозијата.