Шекеринска- пораките до Софија и Скопје се да се стави крај на недовербата

Министерката за одбрана Радмила Шекеринска денеска истакна дека пораките коишто доаѓаат од странските држави покажуваат дека од Република Северна Македонија и од Бугарија се очекува да стават точка на недовербата и непријателството и да инвестираат во политика која нема да биде фокусирана на минатото, туку политика којашто ќе обезбеди европски вредности сега и денес.

„Она што е јасно денеска е дека пораките коишто доаѓаат од сите главни градови, од сите држави коишто му посакуваат добро на Балканот, Германија и САД. Денеска со писмото на поранешниот наш амбасадор, а високо позициониран во Стејт департментот, Филип Рикер е дека од нас и од Бугарија се очекува да се стават точка на недовербата и непријателството и да инвестираат во политика која нема да биде фокусирана на минатото туку политика којашто ќе обезбеди европски вредности сега и денес. Не само во Европската Унија, туку и на Балканот којшто сака да стане нејзин член“, нагласи Шекеринска.

Османи- Бугарија бараше да се прифати дека македонската етногенеза е бугарска

Таа денеска во Штип одговарајќи на на новинарско прашање што работат работните групи на Северна Македонија и Бугарија, предводени од министрите за надворешни работи на двете земји и што содржи евентуалниот патоказ кон Договорот за добрососедство, кој се споменува, рече дека на тоа одговор можат да кажат одговорните.

Додаде дека она што е јасно денеска се пораките кои пристигнуваат од сите главни градови.

Рикер со охрабрување до Скопје и ЕУ да се бара решение за билатералните прашања надвор од интеграцијата во ЕУ

Помошникот државен секретар за европски и евроазиски прашања во американскиот Стејт Департмент Филип Рикер, во писмо до македонскиот премиер Зоран Заев, како што соопшти владината прес служба денеска, наведе дека ге охрабруваме и Заев и земјите членки на ЕУ да продолжат да барате решение за билатералните прашања надвор од процесот за интеграција на земјата во ЕУ и да остварат прогрес во овие аспирации со отворање и затворање на поглавјата во преговорите.