Русија и државите сојузнички со фокус кон ситуацијата во Авганистан

Меѓународните сојузи во кои е вклучена Русија го свртеа вниманието кон случувањата во Кабул, при што лидерите на Организацијата на договорот за колективна безбедност (ЦСТО) се подготвуваат за средба, а Шангајската организација за соработка (СЦО) бара начини за решавање на тековниот конфликт во Авганистан.

Рускиот претседател Владимир Путин за време на денешното отворање на состанокот со претседателот на Казахстан Касим-Јомарт Токаев, изјави дека ЦСТО оваа недела ќе одржи видео конференција на која ќе се разговара за ситуацијата во Авганистан по враќањето на Талибанците на власт.

Талибанското лидерство ќе дискутира за формирање на идна влада

„Се разбира, едно од најактуелните прашања во моментов е безбедносното прашање, особено во однос на настаните што се сега случуваат во Авганистан“, изјави Путин додавајќи дека состанокот на ЦСТО на 23 август ќе биде шанса лидерите да ги споредат белешките. 

На маргините на конференцијата во Душанбе посветена на 20-годишнината од СЦО, во која се вклучени Кина, Пакистан, Индија и четири држави од Централна Азија, поранешниот генерален секретар на СЦО Рашид Алимов за ТАСС изјави дека последиците од преземањето на власта од Талибанците ќе бараат повеќе дејствија за да се обезбеди регионална стабилност.

„Зголемените активности на терористичките организации во Авганистан и потенцијалните закани за регионалната стабилност создаваат потреба СЦО да ја подигне соработката со Обединетите нации и ЦСТО на ново ниво“, изјави Алимов.