Претседателот на италијанскиот Дом на пратеници, Роберто Фико кој престојува во официјалната посета на Северна Македонија денеска ќе оствари средби со претседателот на Собранието Талат Џафери, со премиерот Димитар Ковачевски и со министерот за надворешни работи Бујар Османи. Според агендата, претседателот на италијанскиот Дом на пратеници ќе го посети Универзитетот „Св. Кирил и Методиј“ во Скопје, каде што ќе има средби со студенти по италијански јазик и од универзитетите УКИМ, СЕЕУ, и Гоце Делчев, како и со ученици од некои средни училишта – особено од гимназијата „Никола Карев“, каде оваа година беше отворена паралелка за изучување на италијанскиот јазик. Претседателот на италијанскиот Дом на пратеници, Роберто Фико пред посетата на Македонија престојуваше во Албанија.
