Временска прогноза: наутро магла, преку ден сончево и тивко

Времето претпладне по одделни котлини ќе биде магловито, а преку ден ќе биде сончево со мала до умерена локална облачност. Ќе дува слаб ветер од северозападен правец, соопшти Управата за хидрометеролошки работи (УХМР). 



Минималната температура ќе биде во интервал од -3 до 3, а максималната ќе достигне од 8 до 16 целзиусови степени.




Во Скопје, претпладне ќе има магла, преку ден ќе биде сончево со мала до умерена облачност и претежно тивко. Минималната температура ќе се спушти до 0, а максималната ќе достигне до 12 целзиусови степени.



Според прогнозата на УХМР, наредните денови ќе продолжи периодот на стабилно и релативно топло време, особено на повисоките места и на планините.


Локални врнежи од дожд се очекуваат во среда.