Израел бара УНРВА да го напушти Ерусалим до 30 јануари

Агенцијата на Обединетите нации за помош и работа за палестинските бегалци (УНРВА) мора „да ги прекине своите активности во Ерусалим и да ги испразни сите простории во кои работи во тој град“ до 30 јануари, рече израелскиот претставник во Обединетите нации (ОН) во писмото до генералниот секретар на ОН, Антонио Гутереш, јави агенцијата АФП. 



Законот за забрана на активностите на УНРВА на израелска територија и контактите со израелските власти стапува на сила на 30 јануари.




Израел го анектира Источен Ерусалим во 1967 година, анексија што не е признаена од поголемиот дел од меѓународната заедница.



Израел долго време ја критикуваше УНРВА,  основана по војната во 1948 година која избувна во времето на создавањето на израелската држава, обвинувајќи ја за анти-израелска пристрасност.