Ослободена е уште една жена војник која била заложничка во Газа

Израелските власти известија дека израелската жена-војник Агам Бергер, која ја држеше палестинското движење Хамас во Појасот Газа, пристигнала во Израел, пренесоа светските агенции АФП и АП.


Агам Бергер ја мина границата и е под заштита на израелската армија.


Во текот на денот се очекува да бидат ослободени дополнителните заложници кои ги држеше Хамас, која САД и ЕУ ја сметаат за терористичка организација.


Ослободувањето е дел од прекинот на огнот што започна на 19 јануари, а има за цел трајно да стави крај на војната меѓу израелските сили и Хамас, која започна со нападот на Хамас на израелска територија на 7 октомври 2023 година.




Вкупно 33 израелски заложници се очекува да бидат ослободени во замена за речиси 2000 палестински затвореници во текот на првите шест недели од прекинот на огнот.


Во војната на Израел против Хамас во Појасот Газа загинаа повеќе од 47 000 Палестинци, според здравствените власти на палестинската територија.


Војната започна по нападот на Хамас врз Израел во октомври 2023 година, во кој загинаа околу 1200 луѓе и зедоа околу 250 заложници.