Осумдневен притвор за битолскиот хирург за поткупот од 150 евра

Јавното Обвинителство определи мерка притвор од осум дена за хиругот М. С. (64), кој истовремено бил и на раководна позиција во ЈЗУ Клиничка болница „Д-р Трифун Пановски“ - Битола. 



Хирургот беше упсен поради примање мито од 150 евра во битолската Клиничка болница, случај регистриран од СВР Битола на 28 јануари во просториите на болницата во Битола.


„Осомничениот на 27 јануари како хирург извршил операција на жолчно ќесе врз пациентка, а потоа индиректно, преку сведок, побарал од синот на пациентката да му даде пари во износ од 150 евра за да се почастел за извршената работа. Синот следниот во просториите на болницата, во плик му дал на осомничениот три банкноти од по 50 евра“, соопштија од ОЈО Битола.




Откако осомничениот ги примил парите, бил извршен претрес, а овластени службени лица од СВР Битола ги пронашле и ги одзеле парите.


Министерот за здравство, Арбен Таравари, ги охраби сите кои ќе забележат неправилности, истите да ги пријават. 


„Непобитен факт е дека постои мито. Меѓутоа, треба да се докаже и да има некаква судска пресуда, а не само да зборуваме. Јас ги охрабрувам сите коишто имаат факти да ги донесат или кај нас или во МВР или кај раководителите на клиниките“, изјави Таравари.