Најмалку 19 лица загинаа во експлозија на автомобил-бомба во северна Сирија

Aвтомобил-бомба експлодираше во предградието на град во северна Сирија на 3 февруари при животот го загубија најмалку 19 лица, а повеќе од десетина се повредени, јави агенцијата АП.


„Убиени се осумнаесет жени и еден маж“, изјави медицинска сестра во локалната болница, за АП.  


Непосредно потоа, ниту една група не ја презеде одговорноста за експлозијата која се случи до возило со земјоделски работници во предградието на Манбиџ.


„Во период од над еден месец, ова е седми напад со автомобил-бомба“, изјави Мунир Мустафа, заменик-директор на цивилната одбрана, предупредувајќи дека нападите се закана за напорите на Сирија да донесе повоена безбедност и економско закрепнување.


Манбиџ во североисточната провинција Алеп продолжува да се соочува со насилство два месеци по падот на претседателот Башар ал Асад. 


Фракциите поддржани од Турција, познати како Сириска национална армија, се судрија со Сириските демократски сили. Фракциите го презедоа градот од Сирискиот демократски сојуз (СДФ) на почетокот на декември. 




Кратко откако обвинувањата против СДФ се појавија на социјалните медиуми, СДФ во соопштение го осудија нападот и ги обвинија групите поддржани од Анкара дека можеби се вклучени со цел да предизвикаат повеќе судири во Сирија.


Во напад со автомобил-бомба во Манбиџ во саботата загинаа четири цивили, а девет биле повредени, извести државната новинска агенција САНА, повикувајќи се на официјални службени лицаод цивилната одбрана.