Панама негира дека ги прилагодува таксите за премин низ каналот за американски бродови
„Управата на Панамскиот канал, која е овластена да одредува патарини и други давачки за транзит низ каналот, известува дека не направила никакви прилагодувања за нив“.
Бродовите што припаѓаат на американската влада сега можат бесплатно да минуваат низ Панамскиот канал, соопшти претходно Стејт департментот.
„Владата на Панама се согласи повеќе да не наплаќа транзитни такси на американските владини бродови за минување низ Панамскиот канал“, објави Стејт департментот на Х. Во соопштението се вели дека тоа ќе заштеди милиони долари на буџетот секоја година. Државниот секретар Марко Рубио се состана со панамскиот претседател Хозе Раул Мулино во саботата за време на неговата турнеја низ Централна Америка.
Претходно Соединетите Држави соопштија дека нивните владини бродови ќе пловат бесплатно низ Панамскиот канал по големиот притисок од претседателот Доналд Трамп.
„Американските владини бродови сега можат да транзитираат низ Панамскиот канал без надоместоци, со што на американската влада и се заштедуваат милиони долари годишно“, се вели во објавата на Стејт департментот на платформата за социјалната мрежа Х.
Тоа беше првата јавна објава за ветувањата на кои навести американскиот државен секретар Марко Рубио, кој рече дека Панама понудила отстапки за време на неговите разговори во неделата.