Одреден притвор за Пеце Мирчески

Прифатен предлогот на обвинителството за притвор на Пеце Мирчески, поранешниот прв човек на Службата за општи и заеднички работи во Владата на Северна Македонија. Од кривичниот суд известуваат дека има мерки за претпазливост за вториот осомничен во истиот случај.


„Се прифаќа предлогот на Јавниот обвинител и на осомничениот П.М. му определи мерка притвор во траење од 30 дена заради постоење на опасност од бегство и можност да ја попречи истрагата со влијание врз сведоците. Воедно прифатен и предлогот за определување мерки за претпазливост против Г.П. односно одземање на патната исправа и забрана за издавање нова, забрана за напуштање на живеалиште односно престојувалиште, обврска да се јавува во судот, забрана за воспоставување комуникација со други лица поврзани со кривичното дело. Против овие решенија странките имаат право на жалба пред Кривичниот совет“, се вели во соопштението на обвинителството.




Инаку вчера Финансиската полиција поднесе кривична пријава за четири различни кривични дела - примање поткуп, фалсификување службена исправа, проневера во службата и несовесно работење во службата.


Инаку освен Мирчевски истрагата е насочена и кон сопственик и управител на фирма, кој наводно бил вклучен во постапките за јавни набавки.


Според соопштението на обвинителството проневерите се случувале во периодот од 09.06.2021 година до 13.06.2024 година.


„Во својство на службено лице – директор на Службата за општи и заеднички работи на Владата на Република Северна Македонија, во повеќе наврати искористувајќи исти прилики, примил друга корист за себе и за својата сопруга за да изврши службено дејствие што не би смеело да го изврши.


Директорот на фирмата кој му помагал на Мирчевски пак во повеќе наврати, присвоил пари во износ од 1.792.859 денари, се вели во соопштението на обвинителството.