МВР: Проверките покажуваат дека дојавите за бомби се лажни

Министерството за внатрешни работи соопшти дека се лажни пристигнатите пријави за наводно подметнати експлозивни направи во повеќе основни и средни училишта на речиси цела територија на државата. Оттаму велат дека надлежните служби на министерството преземаат сеопфатни плански мерки и активности согласно внатрешните процедури за постапување во случај на терористичко загрозување.


„Согласно досегашните активности, проверките покажуваат дека станува збор за лажни пријави“, велат од МВР.


Паралелно со ова се врши и проценка на степенот на загрозувањето во меѓусебна координација на безбедносно-разузнавачките служби, преку формиран оперативен штаб во рамки на Министерството.




Воедно, Министерството за внатрешни работи повикува и апелира за смиреност во јавноста и воздржување од ширење на дезинформации околу ваквите настани што инаку вчера беа евидентирани и во други земји во регионот.


Рано утрината (7 февруари) дојави за бомби беа евидентиани во неколку основни и средни училишта низ Скопје.