Избори на Косово - води Движењето Самоопределување

Движењето Самоопределување на премиерот Албин Курти води со 41,99 отсто од гласовите, по обработени над 73 проценти од гласовите на денешните (9 февруари) парламентарни избори во Косово, соопшти Централната изборна комисија.


Според бројот на гласови, следна е Демократската партија на Косово со 22,68 отсто, Демократската лига на Косово со 17,90 отсто, Алијансата за иднината на Косово со 7,56 отсто, Српска листа има 2,98 отсто, а Коалиција за семејството освоила 2,29 отсто од гласовите.


Косовскиот премиер Курти доцна вечерва на 9 февруари изјави дека неговата партија, во коалиција со нејзините партнери, партијата Гуксо и Алтернативната партија, победила на парламентарните избори и ќе ја формира новата Влада на Косово.


„Изборите беа слободни, демократски и фер. Им благодарам на гласачите на Самоопределување и на нашата победничка коалиција. Ние сме први и ова е потврда за нашето добро и прогресивно владеење. Нашата победничка коалиција ќе ја формира новата Влада Курти 3“, рече Курти на прес-конференција во Приштина.


Тој не соопшти никакви бројки за тоа колкав процент од гласовите би можела да освои неговата партија.


„Немаме официјални резултати, но првичните покажуваат дека дури и ако се комбинираат гласовите за второто и третото место, нема да добијат толку многу како Самоопределување“, додаде Курти.




Во споредба со изборите во 2021 година, излезноста на овие избори беше значително помала – падна од над 48 проценти на околу 40 проценти.


Ова, според политикологот Адријан Штуни „е порака до политичарите во Косово“ дека „народот е уморен од агресивна реторика и судири“.


Тој за Радио Слободна Европа вели дека народот на Косово и неговите институции покажале стандарди за пример со организацијата на парламентарните избори.


Државното обвинителство соопшти дека на изборниот ден приведени 8 лица за кривични дела против избирачкото право.


Косовската полиција оцени дека изборниот процес се одвивал мирно и без поголеми инциденти кои би го нарушиле.


Дел од изборите беа 28 политички субјекти и еден независен кандидат, како и четворица кандидати за премиер: Албин Курти од Движењето Самоопределување, Бедри Хамза од Демократската партија на Косово (ПДК), Лумир Абдиџику од Демократската лига на Косово (ЛДК) и Рамуш Харадинај од Алијансата (Алијанса за Демократицизам и други косовски партнери за иднината).


Ова беа први редовни избори од прогласувањето на независноста на Косово во 2008 година, а право на глас имаа над 2 милиони граѓани во и надвор од Косово.