И покрај деценски ветувања на неколку влади и стотици милиони евра вложени во магистрални гасоводи, Северна Македонија доцни со нивното ставање во функција, а дистрибутивна мрежа има само во еден град. Експертите предупредуваат дека без активирање на веќе изградената инфраструктура, гасификацијата за домаќинствата и бизнисите ќе се одложи со децении, додека Европа забрзано се ориентира кон водород и зелена енергија.
