Захарова: терористите не дозволуваат испорака на хуманитарна помош во Алепо

Русија ги повикува сите земји кои имаат влијание врз вооружената сириска опозиција и терористите да сторат сѐ за реализација на преземените обврски и да ги смират милитантите, изјави портпаролот на МНР РФ Марија Захарова. 

Русија ја продолжи хуманитарната пауза во Алепо до 22 октомври

„Русија работи со ООН за испорака на хуманитарната помош и евакуација на населението, вклучувајќи деца и оние на кои им е потребна медицинска помош од опсадените реони на Алепо. Тоа со сите сили го попречуваат милитантите од различни терористички формации, продолжувајќи да го држат цивилното население како заложници“, изјави Захарова за новинарите.

„Ги повикуваме сите земји кои имаат влијание врз вооружената сириска опозиција и терористите да сторат сѐ за реализација на преземените обврски и да ги смират милитантите“, додаде портпаролот на руското МНР, пренесува РИА „Новости“.