Кремљ одговори на извештајот на тајните служби на САД за хакерските напади

„Ние, како и претходно, секаква вмешаност на Москва и обвинувањата за тоа дека во какви било хакерски напади можат да бидат вмешани официјални лица или официјални институции на Руската Федерација, категорично ги отфрламе“, изјави Песков, пренесува РИА „Новости“.

Тајните служби на САД го обвинуваат Путин за хакерските напади

Притоа тој истакна дека Москва веќе „сериозно се умори“ од тие обвинувања.

„Ние разбираме дека нашите американски колеги во разни етапи од својата историја вршеле такви етапи со „лов на вештерки“. Ние се сеќаваме на тие периоди од историјата. Знаеме дека потоа нив ги заменуваат потрезвени стручњаци, потрезвени пристапи кои сепак се ориентирани на дијалог, а не на такви емоционални испади“, додаде Песков.